Ish-Presidenti i Kosovës, Behgjet Pacolli ka reaguar largimeve nga puna të minatorëve si dhe shpalljen e gjendjes së jastëzakonshme në Ndërmarrjen “Trepça” .

Sipas tij, këto janë rezultat i politikave të gabuara të qeverisë dhe menaxhmentit të saj, shkruan Arbresh.info.

Pacolli u shpreh se këto “tregojnë paaftësinë në drejtimin e ndermarrjeve sipas rregullave ekonomike”

“Më vjen keq për të parë minatorët e Trepcës në këtë gjendje të vështirë. Fotografitë e fundit që kanë ngjashmëri me ato të kohës së Millosheviqit shkaktojnë turp! Mos ekzekutimi i pagave, shpallja e gjendjes emergjente, kërcënimet dhe fajsimi i punëtorve për gjendjen e rëndë në miniera, si dhe masa e përjashtimeve nga puna për shkaqe që nuk lidhen me minatorët, por janë rezultat i politikave të gabuara të qeverisë dhe menaxhmentit të saj, tregojnë paaftësinë në drejtimin e ndermarrjeve sipas rregullave ekonomike.”, ka shkruar ai.

“Trajtimi i dinjitetshëm i puntorve  është një çështje themelore kurse  përjashtimet nga puna janë të papranueshme. Veprimet e menagjmentit të përzgjedhur nga qeverija  janë në kundërshtim me normat esenciale njerëzore dhe të drejtat e punëtorve!”, shtoi Pacolli.

“Premtimet e kësaj qeverije për Trepçen ishin ndryshe!”, përfundoi ish-presidenti./Arbresh.info/